邁向半百的生日

係呀, 秋風起就到我老公生日, 我問壽星公想食大閘蟹定打邊爐?  佢二話不說揀左打邊爐!  好明智呀, 今日氣溫急降得 15 度, 打邊爐岩晒!!!  我地又第 N 次幫襯鍋心粥喇 ^^

真係真係好好味 ^^

有位年輕人全程直擊報導

淥蝦係最危險既, 呢個咁大膽既 Young Man 唔講都知邊個

由開餐就期待住最後呢煲粥, 小慈個樣笑死我

弟弟快 D 大隻 D 俾我地依靠~

我冇買蛋糕, 帶左秋秋去食甜品慶祝, 仲係小慈夢寐以求既雪花冰呀!

壽星公揀呢款因為佢個名......

因為天氣凍先更加要食冰!  另有一番滋味 ^^

朱古力狂熱份子

弟弟仲係肥嘟嘟面仔有肉好可愛, 成日都想錫佢 ^8^

有貓店長

三隻都摸晒!!

生日梗係唔簡單!  呢兩位青年人行左好多街先選定到呢份生日禮物俾爸爸!  係關羽同張飛黎架!  兩個仲鬼馬地一支箭標番屋企呢入房預備禮物, 我同爸爸仲講緊野就突然關燈, 兩個杯麵上面點住兩枝蠟燭俾爸爸許願, 氹到爸爸笑不攏嘴, 好抵錫!!

我就買左個銀包, 內藏 $1000 美金, 秋秋話要英磅  XDDD

生日快樂呀, 老公!  最重要身體健康!