獅子山與圓規

天氣反常都出現好幾年, 十月有颱風都唔再出奇, 但一個星期之內掛兩次 8 號風球真係第一次!!  個颱風名仲特別攪笑, 記低佢先!

打風其實唔好玩架, 最輪盡就係星期五, 明明見到出面倒水咁倒極唔想出門口返工返學, refresh 好多次天文台個 Apps 都係掛黃雨, 咁大雨都係黃雨??!!!!...... 無奈下夠鐘都要出門口, 邁開第一步已經濕身, 有傘都冇用, 我著膠鞋, 佢地就有防水鞋套, 不過弟弟成條校服長褲一秒間濕晒, 而我就濕到上背脊, 真係好狼狽 @.@

最慘烈係濕晒返公司都未抹乾自己就掛三號風球, 之後更加由黃雨轉紅雨再轉黑雨!!  神奇地放學前變番紅雨, 大家都嬲到爆炸!!  根本今朝由頭到尾都係黑雨啦 @.@

之後天氣都唔好, 但就絕對冇諗過星期六一早會掛 8 號風球攞, 獅子山真係威力宏大 @.@  我地本來今朝有重要事情處理都要滯留在家!  真係橫風橫雨啊~

天文台又俾人插!  大家都冇估計到週末會掛 8 號, 好多活動進唔進行得到都係睇幾時落波而定, 可惜天文台用既字眼真係令人摸不著頭腦.....

唔識預測, 連天文台都唔肯定..... 為安全計, 星期六全日冇出街

咁攪法星期日都唔知返唔返到教會

繼獅子山成為最遠既一個八號風球後, 隔兩日就有把圓規來勢洶洶!  我地係公司好緊張, 晏晝已經收到風話 4-6 pm 會掛 8 號, 食完晏已經無心戀戰一出 announcement 即刻飛番屋企!   冇估到兩個風咁近所以大家都糧盡, 早放工的有著數, 遲左就....

掛足一晚, 弟弟臨瞓前仲集氣希望圓規慢慢行

但唔敢搏啦!  我照平時一樣咁早起身, 一 check 到 8 號我即刻俾佢地瞓到自然醒 ^^  

開心的小慈

打風最好既娛樂 ^^

幾多點落波取決於台長一念之間....

YEAH!  終於 10:00 am 公佈圓規去到下午 4:00 依然維持 8 號風球, 掛足全日!!  可以放心打機

仲爭食零食添呀

圓規好勁, 咩訊號都出晒

由星期二 4-6 pm 開始掛 8 號風球, 星期三掛足全日, 星期四重陽節公眾假期, 如果星期五攞埋假真係連放 6 日, a very long holiday~