Amazing Grace & Jesus Loves Me That I Know 音樂盒係爸爸媽媽最鍾意既詩歌, 好歌獻給你, 恩典永伴隨
願一生一世必有恩惠慈愛隨著小慈~~
媽媽細個既時候就係靠「耶穌愛我」渡過左好多個唔開心既夜晚
Surprise!!! 新興玩意 -- 姆指鋼琴 Kalimba
愛錫小慈既 Joey 姨姨送上大禮
肚餓的小慈以為粒糖係真既, 開黎睇先知係對襪, 笑死!
小慈更收到同學仔送既生日禮物!! 開學半年就有知己, 小慈人緣真係唔錯啊 ^^
好得意呀! D 女仔真係細心, 連小慈鍾意柴柴都知, 不過我覺得呢隻應該係柯基
送禮物既呢幾位朋友仔, 好可能就係小慈一世既好朋友, 要珍惜!
同學仔仲自製活動式生日卡, 創意無限, 佩服!
最好既禮物其實係陪伴, 放復活節假既第一日同學仔梁凱晴就上黎同小慈玩足一日了
小慈係日曆度畫晒自己生日, 都好難唔記得啦
復活蛋蛋兔送俾復活節生日既小慈家姐, 係小明弟弟既心意, 好俾心機整架!
小慈最鍾意就係同弟弟一齊玩 Minecraft, 復活節額外開恩, 玩到近視 @.@
出街慶祝生日了! 去食小慈想食好耐既 MOS Burger, 佢地既厚切薯條真係好味過麥當當好多架
不過今日天氣唔好, 我地食完個 lunch, 落雨落到紅色暴雨, 個天黑到似夜晚
有智慧的小慈一早決定全家人一齊去跳彈床, 無懼變幻莫測的天氣
爸爸今日一齊彈
Ryze 而家有兩層, 抵玩好多!
佢地最鍾意砌海棉同用海棉打仗, 特別係用海棉蝦爸爸 :DDD
可惜樂極生悲, 小明勇敢挑戰大吊環時意外跌親, 手肘落地痛到屈唔到, 喊左半個鐘!!! 公眾假期冇診所開門亦唔想去急症排十粒八粒鐘..... 點算?!? 正在猶豫之際, 弟弟冰敷完叫做暫時止痛, 佢都唔想去醫院亦唔想掃小慈家姐慶, 於是頂住繼續行程, 佢話隻手唔郁係唔痛既, 不過我地好心痛呢! 彈床公司除左借出冰墊, 佢地仲送番 4 張 1 個鐘既 VIP Pass 俾我地下次玩, 愁眉苦臉既弟弟即刻再展歡顏 :D
我地去左一間好靚既 Cafe 慶祝生日
綿花糖 cake 做 birthday cake 夠特別了嗎? Happy 13th Birthday My 乖女 ^8^
間 Cafe 話衛生問題今日冇生既食物供應只有甜品, 於是我地切完個 cake 就去食壽司! 8:00 pm 先入場終於完全唔駛排隊, 仲有卡位坐添, 正!
今個生日真係一波三折, 不過一家人一齊面對時, 問題會迎刃而解, 天父亦會保守看顧! 相信小慈呢個 13 歲記憶深刻 ^^
沒有留言:
張貼留言