小學生的最後一天

今日係小慈小學生涯既最後一日, 好多小學其實放完榜已經放暑假, 不過小慈就要返多幾日之餘, 仲要返學校操 Pre-S1 添呀!

睇番佢小學一年班個樣真係好可愛好好笑 :DDD

今日亦都係最後一日著住小學校服同弟弟一齊返學既日子

最鍾意見到佢地手拖手、雞啄唔斷超多偈傾

Last day 學校搞聯歡會, 平時係會一人負責整一樣食物返去分享既, 今年有家長提議不如叫到會, 最後一餐食得豐富 D 啦!  一呼百應, 每人夾左 $100, 有剩既錢就奉獻俾校友會, 食物好豐富呀!!

班主任 Miss Kung 及家長義工打點中

開餐之前梗係要影大合照啦

Miss Kung 既角度

有提小慈帶餐具不過冇提佢帶食物盒就出事, 唯有問人借個蓋變做碟 :D

個黑板好靚呀 ^^  LMKF - Love Miss Kung Forever

佢地畫到咁靚原來準備俾驚喜 Miss Kung!  送花送咭送禮物, 呢位男同學又求婚喇 :DDDD

送多謝咭

每人一張獨照, 成班同學終於整喊左 Miss Kung 啦!

好有心思, 個個都貼張相上去架

除左送咭, 每個同學仔都錄左 1 分鐘 video 講心底話俾 Miss Kung 聽, 呢張係小慈張貓紙, 字裡行間完全感受到佢地成班同學對班主任既愛, 我真係好開心佢地遇到一個愛錫佢地既好老師!

小慈在班房錄番自己段 video, 結果俾人影左相 ^^

小慈今日仲帶左即影即有相機返去同同學仔影相留念添, 掛萬漏一竟然冇送一張俾 Miss Kung @.@

11:50 am 放學的鐘聲響起了~~~

千百個依依不捨, 都要執書包放學.....

影到出門口都仲要影

男子組

Miss Kung 在面書都有寫感想, 睇到我好感動啊~~

在班房內建立的友誼, 繼續在班房外延續!  Keep in touch!!!

果然兩日後就見 :DDD

小慈由小學生榮升為校友, 今日第一次參加校友會聚會, 唔講唔知原來班主任 Miss Kung 都係校友!  仲約飲茶飲完先返學校添 ^^

地鐵大樓原來有茶飲, 仲要登記姓名先入得非常重門深鎖, 所以呢度環境真係非常清幽寧靜, 最嘈係佢地呢圍啦 :p

會員大會係要通過一 D 議案, 佢地之所以肯返完全係因為閃避球比賽, 每班組左幾隊出賽, 唔知發生咩事, 小慈隊比賽完竟然有獎牌!!

嘩!  小慈嬴左個亞軍, 媽媽真係超級驚喜開心啊!

最重要一句, keep in touch, 友誼永固!!

Miss Kung 繼續做好老師祝福更多小朋友, 一生一世都會感激銘記自己曾經遇到一個好老師!