狗年來到了! 話咁快生肖屬狗狗的小慈就黎 12 歲了, 時間過得真係好快!
好似冇咩新年氣氛, 不過新年要做既野都係要做既, 首先係應小慈小明既要求年年都要行維園花市! 去花市當然破財, 少不免要食下糖蔥餅, 試下新野士多啤梨冰糖壺佬
檔檔都係賣公仔, 攪到好似嘉年華會咁
左揀右揀, 呢檔賣柴柴手偶最特別, 就帶你返屋企啦!
Jump over the Moon~~
1 分鐘之內跟圖形砌, 成功的話就送積木 cusion
好難啊! 爸爸都挑戰失敗, 小慈砌到個立方體好叻叻!!
我地最鍾意教會辦既呢個攤檔, 年年都係度影張全家幅 ^^
行到尾先搵到檔係賣汽球, 都要 $35 個, 貴左
今年好克制, 買左兩個汽球同兩隻手偶咋! 不過小明好大食, 明明食飽飯都仲要食兩塊糖蔥餅
越夜越多人, 係時候閃~~
不忍小明聞 pat pat, 要爸爸抱住行 :D
小慈高左聞隔肋底, 極力保護佢隻愛犬, 已取名「牛奶」
年三十晚, 好耐冇去過姑媽屋企做節
昊昊有好多好 man 既玩具, 帶俾小明小慈有非常不同既感受! 小明成晚著住呢件盔甲唔肯除, 好好笑 :D
小慈騎住佢既戰駒
大年初一, 已經唔肯再著賀年衫既小慈小明同大家拜年! 祝大家身體健康! 笑口常開! 福杯滿溢 ^^
去四姑婆屋企團拜, 同表哥表姐一齊打機
仲有玩蟋蟀
Lu Lu 重左好多呀!
變色龍今年患左眼疾唔可以出黎迎賓接福, 小慈有少少失望呢! 不過希望變色龍快 D 好番
一年一度郭氏家族大合照, 出年會多一個成員呀, yeah!
我地狗年既第一餐飯 :D
弟弟最愛既 Prama Ham
初二, 由朝都晚都燒爆竹、放煙花, 仲有舞獅入村同大家拜年, 好熱鬧呀!
初三, 一早返教會獻詩, 唱 Clap your hands and sing Hallelujah
A brand new day is here.... YEAH! 全場爆笑 :D
Queenie 姨姨仲大派利是應節添!
崇拜之後, 提摩太飲茶團拜
團契興旺到要大人一圍, 小朋友一圍了 ^^
去探添伯母, 伯母眼利, 一望就知小慈係我個女, 話好似我, Yeah!!!
去探頌恩姨姨爸爸媽媽, 偶遇美麗姨姨一家人, 一齊食伯母既糕點, 超級好味!
跟住去埋琳琳度拜年, 辛苦美芝整晚餐 ^8^
冇牙的小明出盡飲奶既力食超大北寄貝, 笑 C 人了!
呢隻牡丹蝦超巨大, 仲好好味添呀! 食兩隻已經飽到上心口
馬不停蹄迎狗年 :)
