4 級鋼琴試

本來我係想小慈小學畢業前考到 5 級鋼琴既, 不過琴老師話 2 4 6 咁上會好 D, 所以小學畢業前考 4 級啦!

認認真真咁練考試歌其實由 7 月先開始, 話咁快 10 月尾就要考試, 好似未預備好咁, 但小慈就充滿信心, 今晚 book 左考試房俾佢練琴, 試場好近, 行都行到非常方便

呢間考試房有 D 細

好耐冇彈過三角琴, 小慈話部琴既聲有 D 怪怪地

彈足一個鐘頭, 小慈囡散晒.........

考試日要返學, 我請假去學校接佢早走, 返屋企練一練琴就應考了

台上一分鐘, 台下十年功, 小慈考試 15 分鐘就考完!  佢話考試時都有驚, 但諗起我話: 媽媽坐係考試房出面支持你, 爸爸開緊工又支持你, 弟弟返緊學都係課室支持緊你架!..... 小慈就即刻鼓起勇氣彈!  3 首歌佢話只係手指尾掂到隔離少少錯音, 覺得自己彈得幾好, sight reading 竟然係C major 冇 sharp 冇 flat 好容易彈, Aural 唱歌部份岩晒, 考官阿 sir 聽到笑咪咪喎.... 成績要 7 個星期後先知道, 希望小慈至少有隻 Merit 啦!

請小慈食豐富午餐先再送佢返學, 開心到不得了, 佢話最鍾意同媽媽撐枱腳