努力考試

今年既學期終試, 史無前例地一改以往考星期二三四五, 而改為考星期三四五一!  隔左個星期六日先再考數學同常識, 實在太令人感動, 多左 D 時間溫書啊!!!

一個好乖, 好努力做卷既小朋友

點知唔夠半個鐘, 努力既人仔戰鬥力開始下降, 張櫈同佢個心一樣, 開始飛走了....

小慈今年表現超級乖, 我同佢講因為工作超級繁忙唔可以請假陪佢溫書亦未必出到卷俾佢溫習, 小慈好失望咁話: 「吓~~~~~ 冇卷我唔知溫咩喎.... 不過唔緊要啦媽媽, 我知你返工好辛苦, 我得架喇!」.... 於是, 媽媽唔忍心, 唯有晚晚出卷出到凌晨一點咁整份好野佢嘆啦!  每朝當小慈見到有份卷係佢枱面, 佢係會高呼 「好野!!  有卷溫習喇!」  小慈真係好攪笑  :D

我真係唔能夠兼顧小慈同弟弟, 再加上小慈而家學緊既野, 我開始唔識教佢, 特別係數學、中作同英文 writing, 於是搵左個補習姐姐俾佢, 一教就教左兩年!  終於, 補習姐姐大學畢業要投身社會, 今日係最後一堂教小慈了

多謝昕姐姐既教導, 希望小慈有張亮麗既成績表可以報答你既辛勞!!

努力考試!!  Fighting!!

2016 全港公開新秀武術錦標賽

武術校隊班, 今日參加全港公開新秀武術錦標賽, 小明要努力加油為學校爭光呀!!

露天熱身完畢, 入去比賽喇!

今年多左好多同班同學仔一齊比賽

擺個型仔 pose 黎睇下啦!

未比賽先興奮

D 組準備進場耍集體南拳, 經過一年訓練, 表現有進步啊!

下一場賽事 7:00pm 開始, 醫下肚先

晚上賽事進行中, 1:30 pm 集合到而家已經 7:13 pm, 真係少 D 體力耐力都頂唔住架

小明細細粒坐左係度聽師傅同師兄傾偈, 場面好攪笑

B 組集體劍術準備開始, 表現一般, 唔夠整齊, 吸取經驗出年再黎過啦!

師弟表現差少少, 不過師兄師姐們贏晒!!!  學校今年取得既成績係 10 年內最好既一次!  集體賽取得 3 金、1 銀、1 銅、2 個第 4 名優異獎、2 個第 6 名優異獎!  個人賽 17 個獎, 個人全能都有 2 個獎!  武術中心亦得到全場總冠軍至尊大獎、最佳推廣獎、師傅亦獲得最佳推廣獎!!!  好厲害呀!!!

實在太開心, 師傅請大家飲野慶功, 場面真係好墟陷, 買呀!  買呀!  買呀!!

考完試再開大食會慶祝!

開心完又再努力練習!

出年再下一城!!

母校 80 周年

畢業已經 N 咁多年, 竟然都仲有機會見番 D 老師!  協恩 80 周年校慶, 設宴九龍灣國際展貿中心, 我能參與其中, 衷心多謝我既 old girls 同學 Peter Pan ^^  一入場就俾巨型校章吸引住, it's too cute!!!

Chapel 都係度啊!!

好多紀念品賣, 我都出血不少

勁開心!  我終於買番個 Choir 章 ^^

Amazing!!!  協恩門牌都搬左黎, 謀殺勁多菲林

會場好靚啊~

巨型銀幕

成晚飄飄下的校章

仲有魚型 80 年 logo, 得人如得魚一樣

今晚筵開 90 席

每人一 pack 協恩萬用袋, 勁可愛

仲整埋牌仔俾大家影相, 好細心

Proud to be a Heep Yunn Girl!  Forever a Heep Yunn girl!

我的死黨, 由 Form 1 到而家 :)

好耐冇見的面孔

勞苦功高的 Peter Pan, 辛苦晒!!!

更多同學

中文老師顏老師, 而家做左顏牧師

仲有我地最敬愛, 十年如一日既 Mrs Lai

永遠都咁有活力既 PE 老師 Miss Cheng

Form Photo

What a wonderful night!!  Proud to be a Heep Yunn Girl!

體操比賽 2016

舊年第一次參加體操比賽, 小明符碌地攞左個平衡木第 5 名!  但因為曾經攞過獎, 今年必需晉級, 由 BB 組升到 C 組, 要同最細 6 歲, 最大 10 歲既小朋友一齊比賽

適逢對上連續兩個星期都冇得上體操班, 唔係公眾假期就係中心放假, 今日比賽欠缺訓練應該凶多吉少, 不過志在參與啦

第一次黎呢間澳洲國際學校, 呢度好大好靚呀!

咁大個球場又有跑步徑, 環境好理想呢~

竟然仲有 children playground 係學校入面, 羨慕 c 人咩

身處咁靚既環境, 拉下筋先

呢個咁大既室內運動場就係比賽場地

一字馬係指定動作

Boy C 組既小朋友排隊出去做熱身

558 號運動員第一個出場比賽, 努力呀!!

比賽 3 個項目 - 跳箱, 得分 12.6, 彈床得 12 分, 自由體操最可憐, 做錯動作, 得分 10.5

今日比賽與獎項無緣, 不過都有一個參與獎

我仲同小明一齊參加左迷你親子奧運會, 又做 sit up, 又揹住跑, 又推車仔..... 最終贏左一隻毛巾手錶, 小明開心到傻左, 勁鍾意隻錶仲開心過攞獎牌

出年練習多 D 再比賽過!!