教師發展日梗係去玩啦

小慈小明就好啦, 無啦啦教師發展日有得放假, 仲一連放 4 日咁多添!  羨慕 c 返緊工既媽媽我喇  v_v

平時唔聲唔聲但其實十分愛錫小慈小明既爸爸, 話今日終於見到太陽, 二話不說就帶左佢地出去踏單車!!

Selfie 中 ^^

學識左踏單車但冇踏一排, 爸爸話小明仲識踏, 係有少少 S 形向前又震震下, 不過都 ok

Photo taken by Young Man

小慈小明踏單車, 爸爸跑步.  爸爸心酸地話俾人放遠左, 兩隻野踏到無雷公咁遠, 完全追唔到

出一身汗, 返屋企飲杯凍柚子蜜, 爽到爆呀!

開心驚喜的一天

小慈 10 歲生日大派對

10 歲係一個大日子, 由單位數變成以後既雙位數, 我覺得值得大攪慶祝佢!  已經影左輯靚相, 一大班朋友去左一次 10 歲旅行, 自家又食左飯切左蛋糕, 但我都仲覺得差少少, 少左 D 小慈係主角既感覺!  於是我問乖女想唔想攪生日會?  低調既小慈竟然話好!  咁邀請咩人?  可能去完旅行大家 friend 左, 小慈邀請由細玩到大既 puppy 朋友, 我仲估佢會請同學仔, 點知小慈話同學仔日日見, puppy 朋友特別 D 啊 :)

已經 10 歲, 麥當當生日會太小朋友, 出去問過餐廳包場玩得兩個鐘又好唔抵, 我地又冇會所, 諗黎諗去, 都係屋企開 party 暨 house warming 啦!  橫掂都未招呼過呢班朋友仔!  辛苦舅父為小慈設計呢張 10 歲 Banner, 記錄住小慈由細到大都冇咩點變既樣, 一貼起成間屋即刻好有氣氛呀~~~

佈置好喇, 壽星女好滿意

今日既小食好豐富:  有媽媽最巧手既芝士薯蓉, 攪笑菠蘿腸仔, 獅子狗芝士腸, 彩虹生果串, 春卷生菜, 花雕醉雞翼, 泰式豬頸肉, 雙層雜果 jello, 爸爸自研既咖哩魚旦豬皮蘿蔔柏葉魷魚 :D

菠蘿腸仔有兩粒芝麻眼, 係咪好攪笑呢?

弟弟話唔捨得食

萬事俱備

等客人來吧!

住最遠既 Enson Jackco 第一個上來!

好客既小慈小明攞晒 D 玩具出黎招呼

動物農莊, 大家要鬥眼明手快架

足球機最受男仔歡迎

入球實在太興奮叫到耳聾, 搬左佢地入房玩  >v<

小明都係鍾意同家姐們玩, 呢入房打機

仲好攪笑輪流踩健身單車

竟然夠時間玩大富翁

小慈仲有用佢既新相機為大家影靚相

大家都有做壁虎既潛質

真係絕技黎架!

屋企細同埋第一次招呼咁多人, 大家利用每一個角落玩

小朋友掛住玩, 我地班大人就食食食!  秋秋既咖哩魚旦非常受歡迎, 超級有水準, 媲美深水土步陳記啊!!

要開套卡通片睇, 班小朋友先肯坐定定食野

生日會經典一刻 -- 切蛋糕時間~~~~

同乖女影張相先, 錫晒你呀, 小慈!

全家幅, 非常俾面著住大會指定 10 歲 Tee ^^

七小福 buddy puppy 大合照

14 個小朋友真係會嘈到拆天, 我地幾怕俾人叮噹門鐘投訴呀  >v<

Happy Birthday to 小慈, Happy Birthday to you~~~~~~~~

巧巧同冬晴做代表送上生日禮物

即刻戴住

Baby G ^^

破紀錄招呼 26 人, 勁呀!

多謝你地每一位出席小慈 10 歲生日大派對, 為小慈帶來美麗甜蜜的回憶, 非常開心!!

小慈 10 歲了!!

10 歲喇!  10 歲喇!!  小慈 10 歲喇!!  一早唱生日歌叫醒小慈返學, 矇矇鬆鬆時同佢做個感恩祈禱, 多謝天父保守看顧帶領小慈十年!  未來的十年、廿年、三十年及往後的日子都求天父拖帶小慈不偏行己路一生跟隨主, 繼續俾小慈做個人見人愛、常常喜樂的好孩子!  話畢一齊阿門, 小慈就攬住我條頸係咁喊, 話好感動呀媽媽~~~ ^^  感恩祈禱之後, 小慈想我好似抱 BB 咁抱佢出去食早餐, 咁就梗係得啦乖女, 媽媽手臂仲有力而你又咁輕飄飄, 10 年來只係養到你得 50 磅, 簡直身輕如燕!

雖然正日要返學都俾住 D 驚喜先 ^^  係你面前有 4 份禮物, 一份爸爸送既, 兩份大小禮物係媽媽送既, 仲有一份係 Joey 姨姨送既, 想唔想而家拆?  拆又拆邊份先?  小慈係揀左而家拆爸爸份摩天輪音樂盒先, 梗係有你心啦, 音樂係你最鍾意既卡農黎架 :)  心思思, 好事要成雙, 小慈要拆埋我份大禮物!  梗係得啦, 之前專登問過你想要咩生日禮物, 估都估唔到你想要彈彈筆盒  @.@  唔鍾意公主既你, 呢個彈彈筆盒都真係幾難搵下, 仲要搵埋配件等你一打開個筆盒就應有盡有, 好有心思架!  開心得你即刻帶左個新筆盒返學, 記住要專心上堂唔好掛住彈呀!

放學返黎梗係趕住拆埋餘下兩份禮物啦 ^^  估唔到 Joey 姨姨咁重手, 買左部即影即有相機俾你, 小慈好驚喜  :)  未研究到點影因為我地要趕住出街食飯慶祝, 最鍾意食飯走來走去既你地, 生日梗係食 buffet 啦!

兩姐弟無端端瞓梳化話要玩獎門人遊戲 -- 鬥快將額頭既脆餅利用面部表情移去個口度食左佢, 笑死我喇  >v<

好味!  小慈好規矩咁食晒頭盆、湯、飯菜同埋雪糕, 小明就一如以往每餐都必定要食白飯, buffet 都唔例外

生日點少得蛋糕, 蛋黃哥係小慈自己揀架

Happy Birthday to our 小慈!!!

最快樂就係自己點蠟燭同埋吹熄佢, 玩到停唔到手

弟弟當然有份叨光啦, 成個蛋糕都係佢地 D 口水  v_v'

今年好特別, 小慈第一次收到咁多同學仔送既生日禮物, 份份都好有心思, 有 D 仲係自制既添!  證明小慈人緣好好, 媽媽好開心呀!

仲有姑媽送既靚衫同埋爺爺俾既大利是

爺爺親手寫既祝福

預早一個星期日同小慈慶祝, 問小慈想去邊度玩, 任佢去!  估唔到小慈只係想去踏單車、一家人玩大富翁、食爸爸整既煎倉魚同埋食日本火煱.... 真係冇估到, 10 歲大生日小慈既願望我可以用卑微黎形容!!  問小慈點解唔講去海洋公園呀?  南丫島呀?  迪士尼都可以去架噃!  點知小慈答我：「我唔想爸爸媽媽徙錢呀!」  小慈真係好乖, 好生性, 好為人設想!  咁乖咁抵錫, 我地梗係即刻滿足你所有願望啦!  爸爸仲自製左支自動彈槍送俾小慈, 手工精美又好玩, 好勁呀爸爸!

10 歲的小慈, 爸爸媽媽祝你十分喜樂, 十分健康, 十分漂亮, 十分得意, 十分大方, 十分得體, 十分多才, 十分多藝, 十分愛主, 生命十分精彩!!

我地真係好錫你呀!!!

Be Strong!

話咁快就 2 個月, 初級詩班要獻詩了, 非常好呀!

攪笑既司琴浩文哥哥

人數有增長 :)

今日獻唱 Be Strong!  出自約書亞記 1:9「我豈沒有吩咐你嗎? 你當剛強壯膽, 不要懼怕, 也不要驚惶, 因為你無論往那裡去, 耶和華你的神必與你同在」

好好聽, 好鼓舞!  不要怕, 神與我同在!