Term Break

雖然冇左農曆新年假期, 但係呢度有 Term Break 呀!  上學期完結大家休息一個星期, 難得有假放, 我地梗係去街啦!  第一站就去好遠好遠但係好出名既榮業行朝聖!

好有特色既建築外型, 一定唔會去錯

免費泊車 4 小時, 飲完茶再 shopping 都夠時間

呢度既酒樓同茶餐廳都好好食

全程用廣東話都冇問題!!  點心好好味, 同香港一模一樣, 好勁! 

穫氣呀!  不過伊麵就唔似伊麵, 有少少失望

超大間中超

竟然見到龍貓家族

仲有方鼻叮噹

海鮮檔有肉蟹呀!  我好掛住九龍城街市陳伯

係小明至愛既檸檬茶呀!!  不過好貴, 乖乖弟弟話影左相當飲左

忌廉 $10 罐

嘩!  我最開心搵番呢包 Teh Tarik 馬拉茶, 我帶左過黎已經飲晒, 仲以為以後都飲唔到, 雖然貴一倍, 照殺!

媽媽麵好好味, 買一箱仲平 D

終於買到出前一丁麻油麵

圖入面中間既粟米蓉味道最接近地捫

秋秋話零食唔食開就會無癮

通菜呀!  可惜我已經放棄左我罐大澳蝦醬

姑媽請飲珍珠奶茶

比香港甜, 珍珠都好食

摺埋再摺埋

順道去埋好大間既 IKEA

真係多好多野賣喎呢度

仲有得玩

耶穌光!

成棵樹都係雀仔

轉頭就瞓左

我地終於買到圓櫈, 特價 5 磅一張, 正呀!

今日去 Barnet 探我既死黨

要一個半鐘車先到, 好遠

係姿姿呀!!  我地終於重聚!  大家都變左一位賢妻良母, 入得廚房, 出得廳堂

今晚在姿姿屋企打邊爐, 知道弟弟鍾意食牛切左 4 盤!!!

好耐冇見既師姐恩恩, 大個好多好靚女呀!!  仲有心言都已經 5 歲喇!

打機係國際社交語言

開餐!!  好耐冇見既楊潔英張忠偉, 十年如一日好似食左防腐劑一樣!  好豐富, 今晚食到超飽, 又開心!  好友相聚真好 ^^

自家製蝴蝶酥好好味

呢位 Young Man 太熱愛上堂, 竟然晨早 7:00 上香港既網課, 見番 D 舊同學!!  媽媽衷心欣賞你!

古靈精怪

Term Break 有髮型師上門服務

幫家姐飛個靚髮

仲有我個乖仔

用吸塵機吸頭髮碎見過未?

效果都好顯著架 XDDD

今日幫教會派宣傳單張

我地要派呢兩條街

準備就緒

逐家逐戶攝信箱

攝攝下有狗吠, 嚇死寶寶

今日天氣超級好!!!

呢條村好整齊好靚呀!

派完~~

假期亦都結束了!  星期一返學 ^^