年三十晚去姑媽屋企食團年飯, 食好耐冇食既盆菜, 一如以往, 我地一家人係食唔晒既!
大年初一, 本來要返教會新春崇拜, 可惜媽媽乞嚏鼻水加頭痛, 係武漢肺炎陰影底下, 都係唔應該去人多地方
小慈小明同大家拜年, 祝大家身體健康, 百毒不侵! 爸爸媽媽都祝小慈小明學業進步, 科科高升!
每年初一指定節目, 去四姑婆屋企團拜! 今年又有新機打呀! 呢部賽車 game 現場感一流!
仲有同承希 BB 玩
勁多賀年食品
最好味既蘿蔔糕! 每年都要留肚唔食午餐黎幫襯的
點少得每年一張大合照
今年既利是封設計好特別
年初一要食好野! 家有外賣仔真係一流 :D
新一年祝大家八福臨門
福杯恩典滿溢
平安喜樂伴隨
恭喜! 恭喜!!
沒有留言:
張貼留言