牙仔

今朝早餐係食芝士棒包, 弟弟食食下話有野硬硬地, 我仲以為芝士乾左所以硬, 點知, 呢位小朋友又自己甩牙喇!

第 9 隻.... 右下犬齒..... 幾似一粒芝士 :DDD

記錄中

P.S.
呢兩個月其實係連環甩左 3 隻牙既!  1月4日甩右下犬齒, 2月14日甩右邊第一小臼齒, 2月23日甩埋左邊

小慈小明既牙仔一直都 keep 得好好, 皆因由 3 歲開始就 keep 住睇牙醫姨姨 Shirley, 每年兩次檢查洗牙, 完全係我地既家庭醫生 ^^

小慈顎骨細但牙仔大隻, 當年就係牙醫姨姨決定預早同小慈剝兩邊 BB 大牙, 等佢前面 D 牙唔洗逼住, 可以多 D 位向後發展, 於是而家前面牙仔齊齊整整唔需要箍牙, 仲有 2 隻大牙同 4 隻智慧齒就出晒, 完全夠位生唔駛擔心

小明 BB 牙係 perfect 的, 佢一擘大口牙醫姨姨就笑, 實在太整齊太靚!  唔計今朝自己甩個隻, 小明只係甩左 8 隻 BB 牙, 進度慢過小慈好多, 但牙醫話男仔係慢 D 既, 冇問題, 仲有佢個口夠大完全唔會發生家姐既問題!  有你睇住就放心啦~~

每次睇完牙醫都必定有得去麥當當食雪糕, 完全係一個習慣, 所以由細到大都好願意睇牙醫的

牙齒係你一世既好朋友, 要好好愛惜佢地呀!