見家長之前既一個星期, 學校在網上公佈貴子弟估計組別, 小明竟然係 Band 2!!! 我真係晴天霹靂非常震驚!! 一直以來弟弟全級都係考 60-70, 有咩可能會 Band 2? 係咪學校計錯? 於是我即時打左個電話返學校問個究竟, 班主任係隔左幾日先覆我既, 官腔地都係話學校唔會錯, 亦唔肯講呢個估計組別係點計出黎云云.... 我記得小明五年級第一次呈分試數學離奇地肥左, 差幾分先合格, 但其他科包括中文英文升左一個 grade, 我當時好疑惑, 心諗拉上補下會唔會不受影響, keep 到 Band 1? 於是, 當日我又打左個電話返學校問班主任, 但班主任不停以呈一分數唔作準點都唔肯講有冇影響... 今日我真係好嬲, 嬲既係班主任, 如果當日你肯同我講小明數學唔合格, 就算計埋其他科都要非常小心有機會跌番落 Band 2, 咁我就會有兩手準備而唔係一直以為弟弟係 Band 1 生, 同佢揀既學校會唔同, 亦唔會好似而家咁失晒部署! 好在我未交自行表格, 否則一切都收唔番..... 不過係自己個仔唔爭氣, 邊怪得人, 從來未試過肥數學既佢, 呈一就肥俾你睇! 就算呈二合格番都恨錯難返, 已經估計你係屬於 Band 2.....
於是今日懷住好唔想見到班主任既心情返學, 但一定要去, 因為自行交表直資面試都係要你張小六成績表....
影張相啦仔, 最後一年了
小慈家姐要留係屋企溫習考試冇跟住黎, 難得弟弟可以獨佔爸媽 ^^
太早到, 周圍影下相先
依, 陶藝展覽喎! 舊年星期二要補習報唔到陶瓷班, 今年排除萬難終於上到!
呢個竟然係弟弟既最愛? 非也, 佢話唔捨得將自己既作品送俾學校, 於是留低一個自己最唔鍾意既....
呢兩份先係弟弟既得意作品
同班同學既作品
班房門前留影係指定動作
小明弟弟係科學科同聖經科搬簿生
死黨們何晞哲, 李卓謙
小明全級排名 80-90, 中英數級名次 60-70, 計埋呈一呈二分而家屬於 Band 2, overall 成績係 B, 操行全部 B+, 中英數 BBC 其他都 A, 音樂體育電腦 B+, 視藝 C+.....班主任馬老師話小明講野叻不過上堂多嘴, 人非常聰明但學習態度唔夠認真積極, 乖既合作既如果可以改善埋上堂態度定會更上一層樓, 今年學位同學生比例剛剛好, 自行選校不宜太搏! 而家咁既環境, 以 Band 2 黎計, 自行我就梗係揀番小慈間中學啦, 佢兩個想一齊返學好耐, 雖然我一直覺得弟弟能力不只如此, 所以同佢報左一千零一間直資, 比小慈優勝, 弟弟至少都有得 interview (好開心), 如果收佢我係會讀既, 如果唔收就真係天父旨意要佢兩姐弟一齊返學, 都唔係唔好既, 弟弟見到小慈家姐上中學咁輕鬆已經羨慕左好耐, 仲話自己入到去可能可以做到學霸添 :DDD
盡力做好吧! We do our best, God will do the rest! 天父一定會為小明預備最適合佢既學校! 要對天父有信心!!
小明加油!!
