人造雪

小慈小明成日都話未見過雪, 每次佢地一講我就叫佢地伸手入冰箱 :DDD

偶然發現呢包人造雪, 聲稱只要加水就可以造出雪既效果, 咁神奇?  見平平地就買黎玩下啦!

好緊張, 我地預備加水了, 呢 D 粉究竟係咩東東黎呢?

實在太睇少佢, 加左成碗水都好似唔夠

弟弟係加水專員, 為免自己要行多幾轉, 佢轉用一個大 D 既碗

後來決定索性用煲....... 笑死

1 Gallon.... 絕對係加左一加倫水既!!  終於砌到雪球喇!

Inuka.... 你可以返北極喇!

小慈話係兩條腸粉

男?  女?

弟弟想打雪戰, 砌晒城堡咁, 俾我極力勸止左

砌到雪人喇!!

好得意呀!

包住包雪放入發泡膠箱仲可以 keep 幾日!  頂住先, 有機會先玩真雪下~

呢包幾十元既野真係抵玩!

羽毛球

好耐冇打過羽毛球, 上次去會所打但咁都人輪流打, 每次打得 1, 2 分鐘非常唔夠喉, 見到佢地餓波, 等我又試下上網 book 唔 book 到場啦, 話晒對面就係室內運動場麻, 依, 又 book 到喎!

小慈小明開心得好緊要

熱身先

一 book 就 book 兩個鐘, 不過佢地太耐冇打連開波都唔記得, 特訓左半個鐘先似番 D 樣

Two hours later.......

運動場有免費 BMI 機

一望就知呢個數字係屬於邊個

林滋滋既小明好少少咁多.....

我地仲有意外收穫 :DDDD

媽媽放假佢地最開心, 完全唔想返屋企, 於是去左圖書館睇書

所有植物大戰殭屍全部睇晒

難得假期, book 多幾場多做運動啦!

越來越有進步

見你地咁有興趣, 買過塊拍俾你地玩啦!  之前塊兒童拍一年級用到而家了

輕左好多呀!

忍唔住要係天台打番場先!  用爛爛地既羽毛球試拍, 果然飛左 2 個波落街

買埋像真度非常高既膠波, 都好好打呀!

日日運動身體好!

Party

聖誕假放咁多日, 但小慈要考試唔去得遠, 最好就係留港同朋友見下面玩下啦~~

Party 1

我地靚媽會好耐冇聚會, 媽媽們仲有一齊食飯, 但連埋班少年人就好耐冇聚過, 放咁多日假就一齊玩啦!  本來諗住去燒烤場大家圍住傾下偈, 點知收費貴又限時, 不如改去是但一個屋企啦?  又得姐!

最後決定去 Bessy 度, 一大班人最好打邊爐, 會所仲有球場可以打波, 正呀!!

趕到裙拉褲甩又要搵羽毛球拍, 終於有得開波喇!

家庭分組

圍猜分組

每次打 3 分, 有時 1 分鐘唔夠就被 KO, 1 個鐘咁多人分就係唔夠皮

轉場打乒乓球

小慈小明對乒乓球興趣不大

轉為上 Bessy 姨姨屋企打機

再落公園玩

呢個公園 for 5-12 歲, 呢班哥哥姐姐嚇親小朋友 :DDDD

冇你地既事喇, 返入房打機啦!  一班細佬聯機打 Brawl Star

開餐!!

發育中既少年人好恐怖, 半個鐘清晒所有肥牛烏冬午餐肉, 攪到我地班大人冇野食, 要外賣雞煲再買多兩碟肥牛.....

7 年前我地都係聖誕約出黎玩

7 年後個個牛高馬大了

Party 2

神學生柯先生一年實習完滿結束, 再加上 Jason 留學英國, 今日約埋一齊 farewell, 去 party room 玩呀!

又有得 BBQ

又要玩又要燒, 3 個鐘真係唔夠玩

期待你地學成歸來啊, 柯先生同 Jason !!  

與人氣 PePe frog 合照~~ 買呢隻野俾佢行左我幾條街呀

PePe 竟然有女朋友, 笑到見牙唔見眼

Party 3

小慈實在太鍾意叫同學仔返屋企玩, 打月光寶盒係必然的事

同學仔仲指定要姐姐煮午餐同煲湯

之前學校團契都有開聖誕 party

史無前例見小慈寫聖誕咭

呢班就係佢既死黨同最愛既明太

聖誕多快樂 ^^