都真係幾大犧牲架, 雖然上堂時間只係一個半小時, 但我地住得遠, 一來一回就冇左半日! 小慈學業成績麻麻地, 加上佢手腳慢, 平日做功課已經冇晒時間, 好幾次都想把心一橫 quit 左跳舞留係屋企每個星期多半日溫書幾好丫, 點知小慈唔捨得, 再加埋有家長勸我, 如果讀書麻麻更加要跳舞, 將來 profo 都有野寫咁話.... 都係既, 事在人為, 唔能夠遇到困難就放棄
考試前有模擬考試, 為左呢個 mock exam, 小慈犧牲左一次團契 outing 既機會, 撞左時間冇得去大埔好出名既樹屋玩, 為左令佢冇咁唔開心, 我地全家都冇去黎陪佢 >.<
5 級中國舞真係唔講得笑, 我真係覺得呢班妹妹跳得好靚, 一字馬話落就落, 拗腰踢腿走位一絲不苟, 動作優美, 仲要笑住跳舞真係好好睇!! 小慈話佢今日個 look 成個 Pucca 咁, 學埋佢依起棚牙其實笑到嘴角震晒 ^0^
轉眼間小慈已經大個左咁多, 手腳又細又長
小慈, 加油呀! 睇住你進步媽媽其實好開心, 唔係你一個人跳舞, 全家都陪緊你架, 努力呀!!
沒有留言:
張貼留言