為動物園可以去到幾盡? 尋晚睇埋套戲 11:00 pm 先瞓, 今朝 7:00 起身, 7:30 出門口酒店門口打的, 冇塞車半個鐘多少少就到, 早到連動物園都未開門, 於是去北極熊餐廳 Inuka 食塊多士早餐先~
地圖王爸爸發揮佢獨有既專長, 指引大家行正確既方向
成個 Zoo 好少人呀!
行程第一站, 梗係探弟弟心愛既大笨象啦!
呢度裝修過整靚左好多, 連大象都多左幾隻, 5 Ladies~~
出晒黎喇! 最老既象媽媽已經 42 歲
餵大象時間, 依然 $5 / 籃
兩個都大膽左好多又叻左, 識得慢慢逐舊餵, 俾晒時間媽媽影相
大象真係好可愛, 仲識表演! 呢度講緊有隻大象唔聽話叫極都唔肯瞓低, 原來佢要用樹葉做枕頭先肯瞓, 瞓左又唔肯起身, 其他大象要噴水射佢先乖, 笑死!
大象之所以叫大象並唔係浪得虛名, 一腳踏扁你
成年大象既頭骨, 真係好大
去動物園做足準備! 弟弟帶埋放大鏡黎, 其實佢想帶望遠鏡架, 只係太重爸爸反對, 亦都真係唔駛帶既, Singapore Zoo 所有動物都好接近觀眾, 肉眼都望得清清楚楚
樹屋
後面朦朦地好神秘既係白老虎黎架 >v<
兩隻馬騮扮馬騮捉蝨, 實在太神似, 笑死 :D
駛唔駛坐得咁有型呀? 後面隻馬騮 BB 飲奶飲到瞓左
你望我時我都望番你
Singapore Zoo 暫時係我去過最好既動物園, 但佢地繼續不斷改善動物園既環境, 非常非常值得欣賞
著住件長頸鹿衫, 又見到神高神大既長頸鹿, 你就知下一站係做 D 咩啦
之唔係就係餵長頸鹿 ^^ 都係 $5, 不過呢個籃好細, 仲要只係得 5 條紅蘿蔔
Slow motion please.......
攝影師非常好人幫我地影全家幅, 其實我真係好想摸下呀鹿兄
忍唔住買左禮物
即刻探獅子
獅子大王與愛妻, 佢仲有一個老婆不過失寵要呢埋山洞入面
小慈就買左隻 Meerkat, 長長瘦瘦似晒佢
不成文規定, 獅子對面一定養斑馬
仲有斑馬線
Fish Spa 原來係河馬引入架 :D
今日決定要行晒成個 Zoo!!
要去我地上次冇去冇玩既地方
有發現! $10 跳超高彈床, 弟弟已經彈左上樹頂咁滯
行左咁耐, 係時候要做 D 刺激既野
Yeah! Singapore Zoo 入面係有得玩水架! 有備而戰帶埋泳衣 ^^
表情無價
等緊咩?
大桶水滿瀉喇~~~ 走呀!!
玩完水即刻覺得肚餓
名符其實既 Kids World, 諗都冇諗過呢度竟然可以餵山羊!
小慈好愛錫山羊 BB, 但其他羊絕對係欺凌, 為左爭食成日用角摌走小羊, 小慈唯有用晒雙手, 分散大羊既注意力
食到喇!! 山羊 BB 你要快高長大呀!
繼續參觀 Wild Cat Zone, 呢隻係山獅
勁開心, 花豹落黎飲水, 就企係小慈前面! 呢張相小慈影架, 叻叻!
犀牛兄
大鼻馬騮個樣令我諗起法國人
下午天氣開始熱, 我地探埋北極熊 Inuka 同企鵝就探晒全個 park 所有動物了, 好勁呀!!
Shopping 時間
呢隻木長頸鹿同我地屋企個隻好似呀!
夜光小慈
揀來揀去都係鍾意公仔, 今日既戰利品 ^^
行程繼續, 我地轉場玩了~~ to be continue
沒有留言:
張貼留言