馬來西亞一家人自由行之 Angry Birds Activity Park

非常多謝冬晴一家, 佢地入住 downtown 既酒店順便俾我地寄存行李, 咁大家就可以他他條條出去玩!  原先我地係諗住等 Legoland Theme Park 6:00 pm 關門先搭的士出去 Johor Bahru 商場食晚飯之後去 Angry Birds Activity Park 玩, 佢地係唯一一個兒童遊樂設施開到夜晚 10:00, 其他都好早收工架!  諗住玩完 Angry Bird 就坐包車接我地返去 Legoland 取寄存行李再出機場, 而家就更方便又順路, downtown 酒店行過去就係商場, 包車直接係呢度出機場仲平左添~

蠶蟲眉阿雄 Red

冬晴柏苗：「等我地彈你地出去!」
小慈小明：「唔好呀~~~~~~~~~~」

阿卓 Chuck and 阿爆 Bomb

正!  冇咩人呀呢度!  不過唔平, 經酒店買飛有 9 折大少同價全家 MYR $270

千奇唔好心急, 一鎗射一粒子彈波先發射到

彈床任玩

行鋼線?!

泰山繩索

弟弟準備跳落黎喇~~

High 爆的小明!  冇左隻門牙既佢好得意呀  ^8^

大混戰

4 個小朋友合力都推唔郁爸爸, 係時候減肥  >v<

呢度最出名既車仔仲以為係電動可以片車, 點知原來係要自己踩架

有機打!  非常貼題既 Angry Birds 遊戲

第一次 formally 玩板車

呢個叫跳樓遊戲, 勇敢地跳出去再瞓係軟墊上原來唔容易, 我跳左兩次都係腳落地  @.@

Mission impossible 呀!  不過小慈好勁, 10 秒就過到關, 好玩

玩到 9:45 pm 都唔捨得走但我地仲未食晚飯 @.@  約左包車 10:30 有 D 趕, 求其搵間餐廳醫肚, 等食之際小朋友玩 Hamburger

終於食到椰青喇

估唔到 Bowl noodles 係咁細碗既, 真係一口麵黎架!  Order 完先知隔離枱係一個人一次過 order 12 碗咁食既, 咁咪要洗好多碗?  點解份量唔多 D 呢?  猜不透當中既道理點解要咁做生意.....  不過我地已經冇時間, 食完一啖麵就閃

司機準時, 我地早佢少少到酒店上車, 非常順利完全冇塞車 1 個鐘頭就由馬來西亞去到新加坡樟宜機場, 司機開心到不得了, 佢話平時要凌晨 3:00 先會咁順架 ^^

1:55 am 飛機, 過關時呢位小朋友眼瞓了

勁肚餓!!  頭先個一啖麵都唔知消化左去邊, 好在我地有杯麵, 可惜之前買得 2 個咁少機場好多店舖又關晒門, 唯有我同爸爸捱肚餓啦, 呢兩位小朋友餓到第一次食晒成杯杯麵, 爸爸都係飲左一啖湯咋.....

食飽飽上機即瞓, 落機時已經天光, 返到屋企 6:15 am, 弟弟好精力到沖完個涼就即刻玩新 Lego

酒店送既兩個 Lego 人仔, 歡迎加入我地既大家庭!  小心變左冇頭冇手或者變性人, 小明好鍾意將 Lego 公仔衫褲裝飾大兜亂架.... 哈哈哈哈

我同爸爸食完早餐就入房瞓左半日, 年紀大真係唔捱得夜, 飛機度簡直冇瞓一樣 V_V  小明原先精神亢奮玩唔停, 終於頂到 4:00 pm 我地叫佢休息下啦, 一合埋眼即刻瞓著!

旅行其實都真係好攰, 但又真係好開心, 小慈已經講左好多次唔捨得返香港~  傻妹, 下次再去旅行咪得囉!

今次自由行好成功, 將來都會繼續自由行 ^^