一年一度海洋公園

暑假要去海洋公園, 絕對係需要深思熟慮!  首先要揀天氣, 去廣闊空曠既地方如果仲要暴曬, 係會死人既 @.@  第二要揀時間, 雖然話旅遊業踏入寒冬, 但我相信旅行團少極都仲係有啦, 於是, 我地揀左星期五請假去以避開星期六日一定人逼 :)  

落左成個星期雨既今日, 天氣報告話太陽前面有舊雲, 仲唔係最理想既天氣?  小慈小明再向天父祈禱, 希望唔好落雨, 有太陽但又唔好曬, 仲要有風!  有呀!  有呀!  上帝聽禱告呀!  我地出發喇~~~~~

好孤獨既鱷魚冇人同佢影相, 小明埋去撞佢肚腩順便笑埋佢 D 牙咁黃冇擦牙  >v<

大家都係第一時間衝上山, 登山纜車要排 90 分鐘 @.@  我地唯有折返去搭海洋列車, 順路過去探埋樹熊袋鼠仲有大小熊貓

瞓晒覺, 大家安靜 D 呀~~~

金魚識望鏡頭 ^^

話咁快就上到山頂

最開心既係小明, 佢終於高過 120 cm 可以玩激流了~~ Yeah!

射埋黎喇!  小慈個樣好緊張

濕晒~~~~

橫掂都濕玩多次著數呀!

報仇中

呢隻大老鼠係小明既至愛之一, 今日個天真係冇得頂!

好大條電鰻呀, 全身既小孔就係出電位

咁大個缸既主人係......

蛇呀!!  小明叫我 「潛」入水底睇得清楚 D 喎, 於是我「潛」入水底影左呢張相 :D

弟弟叫佢地做北狐狸, 2 變 5, 生 3 隻都係女~~

勁趣緻 ^8^

今日 D 企鵝好活潑, 呢兩隻準備投井

遇見潛水員落水清潔, 企鵝們見到佢係會集體放便便, 勁攪笑

去企鵝餐廳食 lunch 巧遇餵飼時間

嘩!  近距離接觸呀!

呢張相係小慈影架, very good take!

呢個冰極過山車好好玩

Non-stop 衝兩個圈令小明笑逐顏開

因為夠高, 今日可以有好多新嘗試, 狂玩機動遊戲

第一次玩踫踫車弟弟好想自己揸, 不過規定 12 歲先可以獨當一面, 因為你對腳唔夠長踏油門 :p

呢兩父女不停追擊我同弟弟既 8 月15

第一次玩海盜船, 小慈玩兩次就要抖抖, 弟弟唔 stop 佢係會玩五六七次, 佢 enjoy 衝落地既一刻, 話有想賴尿既感覺  v___________v'

去到邊都要度高, 貨真價實唔怕!

好玩!  因為好大風吹到好爽 ^^

睇錯時間, 不過都睇到幾分鐘海洋劇場, ending 曬冷見到海獅大王仲有 4 條海豚

幾時都係喜歡公仔

呢條叫鯨豚, 個樣咁似中華白海豚既?

終於搭到纜車

搭我地後面架纜車既人集體唱走音歌, 弟弟聽到七情上面, 笑爆咀

海洋公園要關門了

今日好盡慶, 唯一美中不足係樂園 6:30 pm 關門, 天未黑冇得睇雙龍奇緣