3 8 除左係婦女節之外, 亦都係我地買 Jimmy 返屋企既日子! 因為冇出世紙, 於是當買 Jimmy 返黎既呢一日就係佢生日, 今日 3 歲喇!!
見係你生日, 俾個暖水 SPA 你浸下啦
大堂正中既位置係最佳位置黎架
小明有得近距離望住 Jimmy 游水, 超級開心
問兩姐弟敢唔敢摸下 Jimmy, 小慈二話不說就撈起佢, 不停話 Jimmy 好肥, 好大隻, 好厚肉! 梗係啦, Jimmy 有食飯架!
見小慈家姐摸得咁興奮, 弟弟即刻試下, 不過 Jimmy 隻腳仔爬到佢隻手就掉都掉唔切! 好在係掉番落水 Jimmy 先冇受傷, 小明真係好水皮!!! $#$^%&*$*..... 咒罵中.....
游完水就返屋企休息下, 高高在上既 Jimmy looks so cool!
唔知係唔係玩唔夠皮, Jimmy 竟然學人偷走, 頂穿左個屋頂企圖爬出黎!!!!!
果然 3 歲仔就膽生毛咩都夠膽死!! 令我諗番起小明岩岩學識行都以為自己無所不能 @.@ 為免Jimmy 半夜偷走, 我地唯有攞 d 野壓住個屋頂, 於是, 呢隻 Jimmy 仔表現出佢好唔開心.... 佢呢個龜縮動作維持左成晚!! 平時佢瞓覺佢係會用舊石遮住自己塊面, 慌死我地睇蝕佢咁, 從來未試過咁既樣 "面" 對住我地架.....
好啦, 見你咁慘, 俾番個位你伸個頭出黎, 即刻開心番晒呀佢!!
估唔到, 烏龜同一個小朋友一樣喜怒形於色, 都係要人氹 @.@
俾佢出黎散步又再開心 D, 但全屋唔黑唔暗個個位佢都唔呢入去! 望住佢散步真係要好似睇住一個岩岩學識行既小朋友咁, 牛咁眼!
搵番張陳年舊相, 岩岩黎既 Jimmy 只有爸爸一半手掌咁大
兩年後大左一倍有多!!!!!
係我地屋企好食好住啦~~~~~~
