舊年 3 8 婦女節買 Jimmy 返屋企, 秋秋話佢當時應該已經 1 歲, 當 Jimmy 黎我地屋企個日係佢既生日, 而家已經 2 歲半大啦!!!
今年年初佢冬眠完見佢龜裂, 於是俾 d 水佢浸下 spa, 點知佢竟然從此唔上水
買佢個時, 龜店老闆話佢仲係好細個, 只可以餵糧放便便個時先浸水, 其餘時間都要保持龜身乾爽! 而家 Jimmy 已經 2 歲半, 又咁鍾意水, 秋秋話長浸都冇問題喎, 佢又識爬高, 唔想浸水時會自動引體上升, 唔駛擔心佢
Jimmy 已經闊過我隻手板
Jimmy 唔知係咪知道自己死過翻生, 之前絕食個幾月, 到食番野, 到冬眠完, 佢而家大食得好緊要, 好緊要!!!
一見到我地就會爬玻璃, 見到我地 d 手指, 就算隔住玻璃都作勢想咬 @.@ 已經吩咐小慈小明餵龜糧要好小心, Jimmy 咬手指肯定唔會放口!!!
呢隻肥仔, 食極都好似唔飽咁, 已經餵十幾粒大龜糧, 食完仲要爬玻璃示意要添食, 朝早餵完下晝又要, 下晝俾左, 夜晚又要!! 見佢就黎爆殼咁款, 手手腳腳已經肥到塞唔番入龜殼, 唔得掂啦!!! 於是禁制小慈小明餵龜糧既數目, 每日只可以餵 1 次, 10 粒 only! 唔可以因為 Jimmy 爬不停就餵佢, 要忍心 d 啊~~~
你睇 Jimmy 何其厚肉!!
又大力!! 小慈差 d 按佢唔住
手指腳趾甲已經正常返晒喇~
肥仔 Jimmy!!
