小慈 1 歲喇..... 我仲清楚記得佢初生時放大喉嚨大喊既聲音! 1 日換十幾廿次片餵 7,8,9,10 餐奶, 岩岩噯佢訓左到我想訓時佢又喊醒, 攰到渣住支奶釣魚差 d 碌左佢落地既情境我仲歷歷在目! 已經 1 歲?! 好似仲好細個咋喎....
1 歲已經唔係 BB, 小慈而家有自己既喜惡, 有感受, 亦開始識表達自己, 會暗暗地模仿我地! 我以為佢未識既野突然間就會做俾你睇, 差不多每日都有驚喜俾我地! 尤其開心既係小慈 1 歲前識行!! 雖然唔係好穩陣, 但由佢踎低再起身再企直舉高雙手開步行然後撲埋我度真係好感動~~
感謝神係過往既一年保守小慈少病少痛, 做父母既真係只求 BB 開心快樂地成長, 其他野真係冇所謂! 小慈出世之後我同秋秋既生理同心理起左好多好大既變化, 生活上由二人行變成三人仲加多個工人! 每日做咩之前都係諗左小慈先, 安排佢食咩, 有 d 咩唔夠要買, 寫日記記低佢每日既變化等, 自己, 老公, 工作, 朋友真係放到好後好後了.... 唔係話自己特別偉大, 為人父母都應該如此吧!
為左小慈既生日 party, 我同秋秋整左一隻 DVD 記載住小慈過往呢一年既生活片段, 成長點滴, 由揀相到揀背景音樂再剪輯編排次序, 我同秋秋整左 3 晚!!! 每晚安頓小慈訓覺之後就呢入房努力編制, 忙到凌晨 2-3 點.... 我仲 book 左 studio 聽朝同小慈影相, 又約左 Honey BeBe 上門幫小慈做手印腳印, 1 個月大個時做個對好靚, 而家 1 歲又整多次肯定大一倍好攪笑! 夜晚仲會攪一個 party 請屋企人同埋契媽們黎幫你慶祝, 希望你開開心心~
小慈, 爸爸媽媽真係好愛你呀! 亦都好多謝你俾左咁多歡樂我地! 每一次望住你都忍唔住笑, 你真係好可愛~~ 古靈精怪表情極多, 望住你已經係一種享受 ^^
1 個月既小慈
Day 42
咩事?
大家好! 我係木村托腮!
Day 52 第一次伸脷
我愛爸爸!
小慈 2 個月大了
高左好多呀!
最鍾意瞓爸爸媽媽張床
學識單眼
Day 63 今日係爸爸媽媽結婚 3 周年呀!
爸爸掃風特別醒神!
面圓圓超級可愛~~
2 個半月識 Head Up!
瞓係媽媽大脾度傾偈岩岩好
最鍾意食手
下? 唔俾食呀?
要喊呀!
無人性呀!
脾脾呀~~~~
3 個月大了
Yeah!
似媽媽嗎?
我係 "藍" 仔
羊角帽別緻嗎?
我係壽司師傅
識得自己攞野玩
自己拖住自己
我係白武士
我識反身了
幾沙塵
鍾意人陪我玩呀!
眼鏡 look 得唔得?
有冇成熟穩重左呀?
全城哈佬喂
咬下唇
因為媽媽唔俾食手呀~~~
咬住玩具頂檔, 米奇老鼠耳仔特別好味!
儀態呀囡! 儀態呀!
大眼妹
靚女一名 ^^
脾脾何其粗壯! 正呀!!
自己飲水, good!
最鍾意繞住爸爸
發現美味的腳仔
我 6 個月大喇!!
係咪想咬我一啖呢?
我今日好開心!
大爺式坐法
英唔英偉呀我?
200 日大的小慈
開始坐得穩陣
你開心, 爸爸媽媽就開心!
沒有留言:
張貼留言