遠近慈明: 4月 2007

2007年4月29日星期日

小慈 1 歲回歸 Little Gym

休息左幾個月, 小慈又回歸 The Little Gym 喇!!! 實在好唔捨得咁色彩豐富既環境

小慈已經 1 歲喇, 冇黎幾個月佢應該對呢度已經冇晒印象, 之前堂堂眼訓黎到都扭計喊又要抱咩都唔肯玩, 今日強勢回歸表現得好興奮開心, 成個熱切期待咁既樣

一班老友記仲一齊上堂添, 由媽媽個肚入面已經認識, 真係由細玩到大呀

冇玩一排再玩番單槓都仲記得

你睇小慈幾專心聽導師講野

彩虹傘一出成班 BB 勁 high 呀!!

小慈係穩陣型黎架, 就算好想玩都會拖住我地先玩, 唔會自己一支箭衝左去

整整行平衡木, 今期好多 BB 呀

練手臂力, 媽媽要凌空抽住 BB

好開心既小慈同爸爸 say Hi~~

新帽仔用黎俾人認出佢係女仔

大力左好多

開始自在, 就算我行開左都會自己玩唔會追我大脾

有時興奮仲會自己走出去唔肯坐定定添

學打關斗, 小慈會好合作屈低個頭架

小慈好可愛啊~~

興奮搖 bell 中, 1 歲就唔會再食 bell 喇!

話咁快已經係最後一堂喇, 之前因為有事上唔到今日補堂, 平日竟然一個人都冇.......

今日仲有同學仔可晴一齊補堂, 得佢兩個 bb 上可以近距離影相, 太好了~

四野無人, 狂奔~~~~~~~

小慈最鍾意呢種軟林林彈到又唔會痛既波

好好玩既 Little Gym, 後會有期了~~~

2007年4月21日星期六

小慈 1 歲生日大派對第二回

小慈可能太興奮又掛住 d 生日禮物, 7:00am 就醒左要起身玩

最鍾意呢架 Pooh Pooh 車

生日大派對第二回

由於媽媽既書友實在太熱情, 平時大家都忙冇咩時間聚會, 於是今次小慈生日就俾左個藉口大家見面喇~~~

多謝美麗姨姨揀既鞋仔生日蛋糕, 好得意呀

Happy Birthday to you~~ Happy Birthday to you~~ Happy Birthday to 小慈~~~

大合照~~ 多謝晒咁多位姨姨叔叔

除左聚舊閒話家常, 小慈表演行 4 步俾大家欣賞之外 (小慈識行呀!!) 今日最興奮既題目就係討論小慈 First Year DVD!

大家睇到 v 嘩鬼叫, 一致認為小慈古靈精怪超多表情, 皮膚又靚, 身型修長將來一定會好高! 一時話似我, 一時話似秋秋, 但就肯定靚過我細個! 大家仲好佩服我地幫小慈影咁多相, 又好欣賞我地帶小慈參加咁多活動, 為佢付出咁多心機時間

多謝晒咁多姨姨叔叔既禮物, 小慈好開心!

2007年4月20日星期五

小慈 1 歲生日大派對

Happy Birthday!!!! 小慈小公主今日 1 歲喇~~~~

一早起身第一件事就係同爸爸一齊唱生日歌俾小慈聽! 小慈今日都特別開心, 成朝笑唔停好似知道今日係自己既特別日子

依~~~ 咩黎架?! 播小慈 DVD 俾佢自己睇, 小慈認得電視入面既自己係咁伸手想摸, 又叫又笑咁超級可愛

請 Honey-BeBe 上門幫小慈做手印腳印

不過小慈已經識反抗唔鍾意人地捉住箝制佢所以郁得好厲害, 攪到姐姐要每隻手做 2 次先成功! 希望效果 ok 啦!

開始佈置屋企預備今晚開 party

豐富既食物

靚靚生日蛋糕 -- 3 磅聖安娜天倫之樂夾心什果薄脆, 好好味!!

餘興節目 -- 騎膊馬

契家姐琳琳仲唱歌跳舞助慶

小慈 1 歲生日大派對正式開始~~

爸爸, 媽媽最愛你呀, 小慈! 祝你生日快樂, 身體健康, 開開心心~~~

今日 party 有爺爺嫲嫲

姑媽姑丈表弟昊昊

契媽 Wendy, Cherrie and Brenda

契家姐琳琳 and 美芝姨姨

大合照~~~~ 大家都肯戴生日帽同你慶祝呀小慈! 個個都錫你

收到好多禮物, 要大家破費真係多謝晒~~~~~~~~~~

份份都咁鍾意!

生日會完滿結束, 呢隻豬仔瞓到冇晒儀態

1 歲喇~~~ Yeah!

2007年4月19日星期四

以前都唔係太深切感受到咩叫 "眨眼間", 望住小慈就知咩叫時間飛逝!!

小慈 1 歲喇..... 我仲清楚記得佢初生時放大喉嚨大喊既聲音! 1 日換十幾廿次片餵 7,8,9,10 餐奶, 岩岩噯佢訓左到我想訓時佢又喊醒, 攰到渣住支奶釣魚差 d 碌左佢落地既情境我仲歷歷在目! 已經 1 歲?! 好似仲好細個咋喎....

1 歲已經唔係 BB, 小慈而家有自己既喜惡, 有感受, 亦開始識表達自己, 會暗暗地模仿我地! 我以為佢未識既野突然間就會做俾你睇, 差不多每日都有驚喜俾我地! 尤其開心既係小慈 1 歲前識行!! 雖然唔係好穩陣, 但由佢踎低再起身再企直舉高雙手開步行然後撲埋我度真係好感動~~

感謝神係過往既一年保守小慈少病少痛, 做父母既真係只求 BB 開心快樂地成長, 其他野真係冇所謂! 小慈出世之後我同秋秋既生理同心理起左好多好大既變化, 生活上由二人行變成三人仲加多個工人! 每日做咩之前都係諗左小慈先, 安排佢食咩, 有 d 咩唔夠要買, 寫日記記低佢每日既變化等, 自己, 老公, 工作, 朋友真係放到好後好後了.... 唔係話自己特別偉大, 為人父母都應該如此吧!

為左小慈既生日 party, 我同秋秋整左一隻 DVD 記載住小慈過往呢一年既生活片段, 成長點滴, 由揀相到揀背景音樂再剪輯編排次序, 我同秋秋整左 3 晚!!! 每晚安頓小慈訓覺之後就呢入房努力編制, 忙到凌晨 2-3 點.... 我仲 book 左 studio 聽朝同小慈影相, 又約左 Honey BeBe 上門幫小慈做手印腳印, 1 個月大個時做個對好靚, 而家 1 歲又整多次肯定大一倍好攪笑! 夜晚仲會攪一個 party 請屋企人同埋契媽們黎幫你慶祝, 希望你開開心心~

小慈, 爸爸媽媽真係好愛你呀! 亦都好多謝你俾左咁多歡樂我地! 每一次望住你都忍唔住笑, 你真係好可愛~~ 古靈精怪表情極多, 望住你已經係一種享受 ^^