再遊迪士尼

好野~~ 今日又有得去迪士尼仲要免費!!  上次大雷雨冇得睇煙花, 咁岩朋友有朋友係迪士尼入面打工就帶埋我地入去玩了, 好開心呀!

2:00pm 等埋朋友仔一家人一齊入場, 小慈等得好心急.....

訓醒食飽既小慈心情靚靚, 周圍同人 say hi~~~

買左架新既士的車梗係帶埋入樂園用啦, 唔駛租迪迪尼車仔咁徙錢麻

今次主要玩上次冇玩既遊戲!  第一站 -- 搭火車~~

食住餅餅搭火車睇風景, 一樂也!  今日天陰又有風, 唔似上次 8 月咁焗到出油

嘩~~  Mickey Minnie Pooh Pooh 出黎接火車呀!

三眼仔影我地相

玩太空飛碟, 小慈有 d 緊張哄住我要我攬實佢, 以為佢識膽包天唔識驚添

小慈開始眼訓, 寫晒係塊面度

放小慈係地拖上面, 佢一連串古靈精怪表情真係笑瓜我地

扭計

去皇室宴會廳食 d 野補充體力, 小慈今日好乖肯坐 BB 椅好快食晒一樽 baby food, 俾拉麵粟米佢又食, 乖女!

俾小朋友吱.... 唔好呀~~

今晚風和日麗煙花如期開始, 可惜呢棵樹放正係城堡前面大煞風景

睇到喇~~ 睇到喇~~  煙花真係好靚!  仲要有音樂, 有燈光, 有故事, 好好睇呀!!  小慈唔知係唔係眼訓見佢冇咩反應, 定係睇得太入神呢?

今晚真係好開心, 2 次迪士尼已經玩晒所有遊戲, 之後可以全力去玩海浪公園了, yeah!!

小慈 15 個月大第一次去迪士尼

機緣巧合一家人有機會入迪士尼玩呀! 

等小慈小姐訓醒食飽先出發 2pm 先到, 第一次租迪士尼 BB車俾小慈, 藍色好靚又大架, 架車長到小慈可以伸直對腳好似好舒服咁

今日酷熱天氣警告 32 度啊..... 一落車已經濕晒, 最好最開心就係玩水

小慈好開心, 周圍行好多野睇已經嘩嘩聲指手劃腳好興奮

 我地排隊羅 fast pass 玩巴斯光年, 又 book 小鎮大街餐廳食晚餐, 路過見到 Jessie 又同佢影相

小慈仲請 Jessie 食餅餅添!  見到咁大隻公仔一 d 都唔驚簡直係有我既優良遺傳

小慈對周圍環境非常有興趣, 麻雀仔食爆谷都睇到眼定定, 人仔細細又唔俾人拖要自己行, 見到咩都想摸, 地下有樹葉又執黎研究!

排隊等睇巡遊, 小慈周圍行周圍同人 say hi 又揮手, 聽到音樂又跳舞, 全場人都望住佢笑~~~~

3:30pm 水花巡遊開始, 每架花車小慈都 fing 晒手係咁同人 hi, 指住嘩, 又揮手都冇停過!  迪士尼朋友見佢咁攪笑個個都用水槍射佢, 連白雪公主咁斯文都羅支香水吱佢!  不過小慈好開心, 俾人射到全身濕晒都冇喊仲笑騎騎, 真係好可愛

巡遊一完我地就衝入 Golden Mickey 排隊睇表演乘機同小慈換衫換片片.  小慈心情實在太靚, 又係人群之中穿插, 人地望住佢就同人地 say hi 攪到大家冇佢咁好氣!  Golden Mickey 黑暗暗又大聲小慈又唔抗拒喎, 仲睇到好專心添, 不過冇咩表情我估佢係眼訓

見佢唔怕黑又去玩巴斯光年, 我單手攬住小慈單手射槍都有 5 萬幾分, 都叫唔錯啦

Disney 投資既魔盜王今年大賣仲做埋探險世界既 park theme, 連 Mickey 都化身成為海盜呀!  我地同 Mickey 影相時小慈係咁攪佢個鼻又摸佢塊面, 攪到 Mickey 要捉住小慈隻手先影到相

去玩海盜版森林河流之旅

小慈第一次坐船, 望下海, 望下樹, 睇下動物, 小慈將個頭晾左係欄杆度好寫意~~

最後有火又有水咁大製作小慈都睇到冇反應係太眼訓喇

落船放佢落 bb 車就訓左.....  12:00noon 頂到 6:30pm 先訓都算好頂得下啦!  不過半個鐘就醒左

食完飯就玩灰姑娘旋轉木馬

玩玩下突然落雷雨!!!!  係雷雨!!!!  1 小時閃電 3600 次, 氣溫係 15 分鐘之內由 32 度跌至 26 度!  小慈都俾 d 雷聲嚇親添!  唔理咁多玩埋先走, 不過太大雨今晚煙花取消, 少許美中不足但今日都好開心架!

Disney Hollywood Hotel

識左一班爛玩媽媽, 大家既 BB 都係 4 月出世, 自從半歲一齊開 party 見過面之後大家就一見如故, 每次見面都有講不完的話題, 今次仲貪新鮮約埋一齊住迪士尼酒店添!  真係好怕去旅行執行李, 雖然只係住 2 日一夜, 但係一個小慈公主既用品已經載滿左一個 20" 既行李箱, 連裝奶樽既盒都帶埋去好似走難咁真係好誇張!!

1 歲 2 個月既小慈知道有街出好開心眼訓都唔肯訓!  專登著件 Minnie 衫出發去 Disney 喇~~

Day 1

酒店 3pm check in, 我地去 playroom 玩住等, 竟然見到我既至愛 Donald Duck 呀!!  冇見 2 年, 佢個樣冇變仲係咁白 >v<

嘩~~~ 間酒店好靚呀!  周圍都搵到米奇既影子!  呢張係小慈既私家床 ^^

去泳池游水, 小慈見到個藍色既泳池已經指住嘩嘩聲超興奮!  周圍行好開心

 

小慈第一次係泳池游水, 落水完全唔驚, 不停 splash 好自在

成面濕晒, 對眼紅晒都繼續玩, 完全唔當一回事!

唔好拉住我, 我去衝出去呀~~~

試坐水泡, 一樣咁自在~~

我又教佢跳水, 捉住佢手仔係水中共舞, 好 high!  小慈笑得好開心!

見到高飛

游左 45 分鐘, 小慈手仔都皺皮了!  上岸食餅餅補充體力先

返酒店房用私家 BB 沖涼盆沖涼, 爽呀~~

飲完奶奶即刻訓著, 攰死死

Dinner 去泳池旁邊既餐廳食飯, 小慈俾人蝦呀 >.<

今晚第一次試食日本五目糊仔, 幾好味小慈食晒呀!  仲指住檸檬要食又唔怕酸真係好攪笑!

計好時間返酒店門口睇煙花, 都好大聲架, 小慈竟然唔驚之餘仲指住嘩嘩聲咁叫

但我地摸到佢個心仔跳得好快

同柏弦合照

之後又入 Disney shop 攪攪震冇幫襯

扮 Pluto 唯妙唯肖

一班小朋友一齊返上酒店房, 4 個 BB 係走廊行, 一路行一路大叫又 fing 手, 超 high!  玩到太 high 唔肯訓覺, 我地要熄晒所有燈所有電視又唔睬佢先訓著

Day 2

怕生保床個個係我同秋秋呀!!  張床太軟太窄, 成晚醒左 20 次都有!  小慈就訓得好好, 7am 醒左飲奶奶, 表現好開心爬床都玩左成朝

食完早餐又去游早水

今次同小慈著救生衣佢個樣好得意呀 ^^

全家幅

水中共舞幾開心~~  已經輕磅既小慈係水入面更加輕飄飄

同小慈玩完跳水玩潛水, 衰妹真係好大膽, 唔驚之餘仲識係水底噴泡泡, 撈番佢上水仲卡卡笑! 好叻呀!

水中大合照~~~  爸爸們全部都好瘦下

歡樂既時間過得特別快, 11am 就要 check out 了!  一班小朋友係 lobby 玩 balloon 都好開心, 小慈望住大熹熹跑來跑去都笑到卡卡聲又大叫, 好 high!

本來想去迪欣湖玩, 但今日有 33.2 度, 小慈頭頂出汗珠真係唔係講笑

熱到冇咩心機

此地久留我怕大家中暑, 去深井食個富貴 lunch 大家就散了~~~~~~~~~~

 Disney, We will be back!