事情既經過仲幾攪笑添 :D 話說, 小明未甩牙之先, 所有牙已經自動疏罅, 識得開位俾大板牙出黎咁 (人體真係好奧妙架) 因為小明一直以來成棚牙都好整齊, 所以佢一疏罅就好覺眼! 甩左一隻, 第二隻門牙其實都已經好鬆, 但經驗之談係門牙一甩必定好痛同埋流好多血, 所以爸爸一直唔敢輕舉妄動, 真係隻門牙 90 度鞠躬好鬆好鬆先會處理!
今日放學返黎, 我見到弟弟隻門牙跌得低過之前, 於是叫佢去俾爸爸睇下, 點知爸爸望完話「真係好鬆喎」跟手就卜一聲同佢拔左隻牙, 弟弟「丫~ 好痛呀....」隻牙就甩左!! 笑死我喇 :D
後記:
在學校訂飯隔日就會派生果，小明今日攞左個蘋果返黎
我問：「個蘋果發生咩事？」
小明嘆氣：「我好想食，不過我真係咬唔到⋯⋯」
冇左兩隻門牙既佢好慘，我真係笑左好耐 :D
而家弟弟一擘大口就有個 M 字洞, 我真係覺得好可愛好可愛, 好似又變番 BB 咁~ 好快新牙仔就出世, 痛苦會過去, 加油呀!
沒有留言:
張貼留言