上第一堂時, 小慈只有 6 個月大, 無頭髮, 我又唔想同佢著粉紅色衫, 於是出街經常俾人誤會佢係男仔
The Little Gym 好大好靚呀~~
只可以一個大人陪同, 於是我帶小慈入去玩, 爸爸係出面影相, 我累時就到爸爸入去接力, yeah!
外籍導師上堂, 全堂要講英文順便訓練埋 listening
Hello 爸爸!!
戴番頂帽似女仔嗎?
家長要抱住 BB 一齊做 sit up, 舉上舉下, 又要打關斗, 絕對係益埋媽媽既減肥課程
今堂著條裙仔有冇靚女左?
爸爸準備帶我玩前滾翻
上樓梯, 彎身既爸爸係唔係好辛苦呢? 好在小慈唔係好重咋
行平衡木, 小慈真係識一步一步慢慢望住隻腳仔向前行架!
依? 咩黎架? 小慈隻手仔一掂到野就會找住, 好難令佢放棄再向前行, 有時要 meet 佢手指 :p
排隊打關斗
今日 8 個月大正日, 呢套衫係唔係好省鏡呢?
開始識扶住企
今日試玩單槓
Yeah! 姿態美妙~~
導師示範正確姿勢
呢個 bell 用黎引小慈爬, 不過所有 BB 玩玩下都會羅黎食
準備玩後滾翻, 小慈未知發生咩事玩緊條利
滾到反白眼
穿過圈圈呀, 小慈!
手仔非常大力可以移開個呼拉圈
每堂最開心都係 bubble time, catch bubbles 可以訓練反應及追視能力
每次都係落堂前小慈就會發脾氣, 因為眼訓啦!
之後因為報左名參加幼兒潛能訓練課程, 所以暫停 Little Gym, 等小慈識行識走時再參加過啦!
