6 歲慶生 Part 1 @ 大棠荔枝園

有驚無險弟弟終於夠數可以趁今日學校假期去慶祝 6 歲生日 ^^

港九十八區室內室外連離島我都俾佢任揀, 呢位小朋友最終決定去 -- 大棠荔枝園 !!  小明對呢個地方真係情有獨鍾, 佢話佢好掛住 D 動物喎~

開左口幾遠都要同佢去, 我地冇車, GOOGLE MAP 話若果我地乘坐交通工具的話, 車程需要 2 小時 @.@   好英既爸爸係呢個 moment 講左一句:「搭的士」仲話唔係去到太陽都落山, 落車暈車浪添... 於是, 呢轉的士 $200  >.<  不過需時只要半個鐘, 我地黎到喇  :)

為隆重其事, 我地今日著左親子裝

呢件衫仲係弟弟話要買, 因為有佢最愛既大笨象呀 ^^

大笨象梗係要同大笨象合照

今日天朗氣清, 風和日麗, 好舒服呀~~~

餵魚都餵左 45 分鐘, 勁 high 咁同我講發現「四眼魚」!!  當真?  等我睇下先.... 呀仔呀囡, 個 2 個係人地鼻孔黎架, 魚既眼係左右兩邊架麻  @.@

馬上英姿

弟弟話一個圈實在太少喇

今日呢隻係馬女, 叫 Dolly

餵山羊

近距離接觸

乖到俾人任摸添

一條紅蘿蔔訓練羊羊企起身

仲有餵小兔, 不過小兔子係唔多喜歡吃紅蘿蔔的, 下次餵佢地食 Timothy Hay 先  ;p

爸爸餵孔雀, 真係好靚呀佢地

弟弟: 「影我啦, 媽媽!」

本來想去埋睇紅葉, 不過應該未夠凍, 只有幾塊葉轉左色

中秋過左咁耐都仲有咁多楊桃 BB

牛牛, 我地黎喇~~  連 D 牛都開枝散葉, 牛家族已經有 7 隻牛, 上一次黎探既牛 BB 已經做左人地媽媽, 3 歲就可以結婚生仔, 最老既牛嫲嫲今年已經 13 歲, 有仔有新抱有孫, 三代同堂

載我地既呢隻牛今年 5 歲, 仲可以再大隻 D 架

包牛車

起行前伯伯問牛牛: 「有冇屎呀?  有冇尿呀?」 果然牛牛就即刻屙篤大大篤既尿, 屙成分幾2分鐘都未屙完, 簡直長屙長有呀

爬繩網係指定動作

弟弟大膽左, 自行完成成個繩網兩次, 行動亦敏捷好多

小慈家姐最鍾意玩呢幾塊板

最溫馨, 爸媽最想見到既畫面出現  ^^

玩到太陽落山, 買既套票岩岩好用晒

黎得大棠, fing 左 $200 搭的士, 點止玩咁少野?  To be continued......

爐端燒

弟弟話俾我聽爸爸買左個新玩具返黎, 佢地已經開始左, 叫我快 D 返屋企..... 咩事咩事??  嘩哈!  估都估唔到件玩具係食得既 -- 日式燒烤爐!

香味撲鼻, 未入屋已經嗅到!!  佢地三仔爺已經玩左好耐, 弟弟由 5:00pm 食到 8:00pm 飽到肚腩都凸晒出黎 ^^

秋師傅為大家預備爐端燒, 係有鹽燒同汁燒兩款選擇, 客人想點咩呢?  :)

除左雞軟骨、燒牛肉, 秋師傅更為大家預備減肥保健佳品「秋葵」, 以及排毒養生寶物「京蔥」, 非常著重各位健康 ^^

下次更加會購入海鮮類如大蝦、多春魚及魷魚, 想食既客人可以到網址:

www.秋師傅.com

訂座留位啦 ^^  卡卡卡卡卡~~

夠數

精甩邊既小明可以好 sweet, 也可以好激心!!  細時食野飛咁快, 仲會嫌我地餵得慢而發忟爭喊, 而家簡直每況愈下, 食飯多野講不在話, 仲唔知幾時開始含飯含到食成個鐘都未食完!  做功課又慢吞吞, 行來行去坐唔定, 到坐定時唔係跌筆就跌擦膠, 有時過份到連人都跌埋落地  >_<

有見及此, 我終於都出殺手鐧, 要儲夠 30 個貼紙先會同佢慶祝生日!!  由 10月 16 日開始, 只要佢每日係我放工返屋企前做晒功課 and 45 分鐘之內食晒飯就有一粒貼紙, 如果佢日日都做得到, 生日前羅 30 個貼紙應該是綽綽有餘的....

本來覺得自己出呢招超衰, 不過唔黎個絕地反擊凶一凶佢又怕佢變成習慣覺得慢條斯理唔專心係冇問題..... 開左口就要做, 硬著頭皮都同佢死過!  哈!  小明就真係做唔到 @.@  過晒成個星期, 上榜既貼紙寥寥無幾, 有次仲俾爸爸撕貼紙因為佢食飯食到將對腳放上枱!!

我係一個非常副同情心既呀媽, 亦都係因為小明受軟唔受硬, 我又幫佢一把, 見佢就黎測驗, 事先講明測得好就有貼紙獎勵, 爸爸反應幾快呀, 夾都冇咁岩!  爸爸話:

"60 分合格貼 1 張, 70 分 2 張, 80 分 3 張, 90 分 4 張, 100 分 5 張!"

依, 呢招駛得!  弟弟第一份卷返黎 87 分, 第二份卷 80 分, 一個翻身, 今日終於夠數喇!!!!!

爸爸話: "一日未到正日都未落實, 而家先岩岩好 30 個, 一曳又撕貼紙架喇!"

小慈家姐聽到即刻話: "弟弟唔駛驚, 仲有幾日乖埋佢, 穩陣 D 儲多幾張就算被人撕左都唔怕!"

嘩哈哈哈~~

其實我都鄧佢驚架, 萬一真係唔夠數, 我地真係要無聲無色地讓佢既 6 歲生日平靜地過去, 連蛋糕都唔買添呀  >.<

好在, 佢都爭氣 ^^  佢實情都係一個好聽話既小朋友黎既, 你睇!  晨早 6:30 溫默書中, 小慈家姐話呢個畫面好靚, 用相機影低左弟弟又乖又認真學習既樣  :)

要做乖仔呀, 郭恩明!!

Snoopy 又來了

Snoopy 駕臨 APM 慶祝聖誕節 ^^

仲未正式開放, 遠距離影住先

戴晒聖誕帽, 好可愛啊~~

好巨, 成個弟弟咁高

Give me a kiss, Snoopy

第一次食火焰雪糕, 至激都係點火既一刻

Christmas is coming!!

冬季校服

天氣話凍就凍, 雖然學校要 12月1日先正式換季, 但呢段時間有需要都可以著冬季校服, 貪新鮮既小明當然同我講佢覺得學校好凍要即刻換季啦~

燈燈燈櫈...... 煲呔明!

要同女同學睇齊, 所以男仔冬季校服係著短褲既

好可愛~~

All Day Breakfast

星期日返完教會, 通常都要苦惱去邊度食午餐, 我同爸爸最鍾意食快餐, 希望快快食完返屋企休息, 但可惜小慈小明永遠持相反意見, 一個話食蘿蔔糕, 一個話食白飯..... 通常我地既做法係 3 分鐘之內要有共識, 決定唔到就我同爸爸決定, 係咪好方法呢?

快餐連我都食到有 D 悶, 於是今日神神秘秘帶佢地去一個新地方, 午餐既時候食早餐既野, 係咪好攪笑呢?!  兩個都鍾意食煎太陽蛋同薯餅, 意見一致呀今次, 嘻嘻 ^^

同場加映小明紮辮仔, 笑死街坊~~

APM

嫲嫲入左醫院, 由性命垂危連醫生都話過唔到今晚, 臨時臨急請牧師到醫院為嫲嫲洗禮, 叫晒所有親戚黎見最後一面.......  神蹟就係呢個時候發生!!  嫲嫲血壓漸漸穩定, 更可停嗎啡針及飲湯,  冇可能會發生既事, 天父施恩典憐憫讓嫲嫲仍然存留在世上, 除了感恩, 只有感恩!!  天父從不輕看我地每一滴既眼淚, 佢聽我地每一個既祈禱, 要對神有信心, 佢既安排往往多新意, 有豐賞亦有收取, one thing for sure, He never fail us !!!

今晚探完嫲嫲就去最近既地方食飯, 好耐冇去過 APM 了~

飯後食雪糕梗係開心啦!  呢款雪糕最能夠考驗小朋友既定力, 控唔控制到自己羅少少就夠?

新出左桃味 yogurt, 岩晒小慈

真係估唔到呢度竟然有 Paul Lafayet

我最鍾意就係食呢隻 Creme Brulee 即係焦糖燉蛋, 好味  :P

第一次係的士上面打機, 開心到兩姐弟不得了 ^^

避開鱷魚同埋羅急救箱, 當然冇 iPad 反應咁快咁暢順啦, 不過都好好玩

繼續祈求神醫治嫲嫲, 讓從天父而來既平安常與嫲嫲同在, 喜樂的心乃是良藥!

嫲嫲, 加油!