小明的母親節

小明今年最後一次以兒童詩班身份獻詩, 2 年級已經不再是兒童準備升 le, 適逢今日母親節, 唱好 D 大聲 D 呀!!

有專業攝影師, 梗係求相啦 :)

小明在教會中最好的朋友仔  -- 程熙

多謝 May 姨同文英姨一直以來既照顧、包容小明既百厭, 坐唔定, 講唔停

紫昕姐姐練緊琴, 成班小朋友聽到音樂就走埋去唱, 好攪笑呀!

準備出場

小慈家姐為弟弟扮靚仔中

小明哥哥終於係兒童詩班入面最高個位男仔

獻唱兩首歌 -- 「腳印」及普通話版「媽媽的愛」

竟然在螢幕中見到自己 ^^

兒詩代表教會獻禮物俾在場每一位母親, 小明當然第一時間跑黎送俾我啦 ^^

小慈小明自制禮物俾我~  小明話 D 珠仔一 d 都唔容易穿架

小慈仲寫左封信添!  上次我生日時, 我話佢將我買俾佢既禮物包張紙送番俾我, 冇意思扁嘴, 於是, 小慈話佢係學校努力答問題好辛苦儲左 3 張 e-ticket 換左支我鍾意既 Snoopy 筆俾我, 係專登換架!  媽媽真係好感動, 感動在於小慈記住媽媽每句既說話, 想辦法氹我開心, 真係好乖好乖好乖!!

我的愛子

我的超乖女

I love you too !

I'm happy to be a mother ^^

Poster

非常榮幸, 今年假期聖經學校邀請小提摩太團友擔任宣傳海報工作, 見到自己個樣係條街度, 感覺有點尷尬, 但又有歡喜喎!

標題好吸引    紅 . 線索.... 究竟講咩呢?  想知就黎報名參加啦  :)

Zoom in 小慈小明, 個個好似扯住條線咁, 好得意呀 ^^

仲有一張大海報貼教會門口

拍攝當日既花絮

個個都好合作, 好快就影完

大家快 D 黎參加啦!  假校好開心, 日日都有唔同野玩架!

約定你喇~~~~~~

暢遊雀仔街

一年總有兩三次, 弟弟唔駛上體操班可以跟我出街 ^^  每次有咁既機會, 弟弟既首選一定係去雀仔街!  今日佢俾自己既挑戰係 -- 捉草蜢!

由初初驚青到捉住隻蚱蜢暴走 + 大叫, 到今時今日識得將隻手慢慢移近目標再快速捕獲, 弟弟真係叻左好多!!  淡定有錢剩, 一次捉到兩隻 ^^  弟弟話佢左右手都用晒冇位咋, 如果唔係再捉多 D 都得喎

今日既幸運兒就係佢地喇!!  弟弟話救佢地脫離俾雀仔食既危險

順便探埋雀仔!  呢隻金剛鸚鵡識望鏡頭, 但係你頭上個隻烏蠅唔肯走, 又唔敢同佢撥, 怕鸚鵡以為我地打佢呀

呢隻雀仔沖緊 sand bath, 我地一行埋少少佢就唔沖, 好怕羞

沿路經過花墟, 愛吃青瓜既弟弟買左盆青瓜苗返屋企自己培植, 希望真係會結果啦

母親節臨近, D 花太靚忍唔住買左盆俾自己

繽紛的世界

弟弟咩都話好得意, 好可愛, 要影相.... 真係跟得我多似晒我  ^0^

媽媽, 好靚呀!  我唔係要你買呀, 影張相就得架喇  :)

有冇人要買海星呀?

入面既植物係真架!

母親節, 梗係要逼弟弟講 I Love you Mom 啦!  個樣狀甚陶醉, 抵錫!

豬嘴都出埋, 媽媽霖晒  ^8^

見弟弟全程左右手捉住蚱蜢唔放咁辛苦, 我隨手執左個膠手套俾佢放蚱蜢入去先, 但要定時吹氣入袋否則缺氧.  醒起剛岩買盒藍莓有膠盒, 兩姐弟為左兩隻蚱蜢, 二話不說即刻食晒成盒藍莓 @.@

帶左蚱蜢返屋企, 起名深蚱 & 淺蚱

爸爸話草蜢係食草既, 於是兩姐弟日日落街拔草餵佢地, 見到佢地用手仔捧住條草黎食真係好可愛

希望深蚱淺蚱捱到, 係我地屋企住耐 D 啦~

寫字

就係因為講左一句: 「做完功課就係你既自由時間 」 小明就真係非常快手做功課, 可惜寫字打風一樣, 情況仲每況愈下!!  有時我忍唔住會幫佢改番好 D, 點知爸爸話我咁做係害緊佢, 等佢有得依賴就越發求其... 好, 咁我就咩都唔理啦!  於是, 功課改完又改, 份份功課都俾老師又摺角又貼旗仔又吸印仔, 錯完又錯, 做完又做, 但估都估唔到小明連默書都係咁!!

100 分又如何?   Brilliant 底下吸住 mind your handwriting 問你死未!!

老師都發現吸印仔完全冇用, 於是好型咁直情唔改, 寫住「重做!」  呢招勁呀, 等你心急做完功課丫拿, 明明只係一份功課, 因為寫得衰又要再寫過變成同一份功課做兩次, 非常絕呀!!  呢招終於奏效, 小明為免同一份功課再做第三次, 非常非常用心地寫字, 老師亦都非常識做地俾番隻「甲-」黎鼓勵佢!

作業都衰過架, 丙+ 都夠膽死!!

唉.....

痛定思痛, 小明一認真, 老師係知架!

攞番隻甲咪幾好, 明明有能力做到架麻!  終於有進步了~

媽媽都幫你加油!  除左你自己, 冇人幫到你架, 繼續努力, 小明!!