遠近慈明

2010年1月3日星期日

2010 新年聚餐

多謝美麗姨姨邀請, 今日係佢屋企開新年大派對! 呢間屋真係好舒服, 尤其誘人既就係呢張按摩椅!! 估唔到小慈小明都要試下, 3 仔爺層層疊真係攪笑呀 :DD

美麗姨姨既兩位美麗千金茜儀 & 茜婷真係好乖, 又靚女又生性又有愛心, 全晚都陪住小慈玩, 氹到小慈妹妹好高興!

兩個靚姐姐教識小慈玩 Wii, 估唔到小慈亦都好有天份, 教左幾次已經越玩越叻, 小朋友既學習能力真係無容置疑! 小慈今日玩左切野 / 劍擊, 後尾仲連乒乓波都識玩, 玩到出晒汗, 紅光滿面, 全神貫注個樣又認真, 真係好 cute 呀!

男人煮飯真係好有魅力, 知道我地鍾意食海鮮又親自下廚, 你既黑胡椒蟹真係好好好好味呀, Peter!!

3 隻蟹放低唔夠半個鐘已經蕩然無存, 真係多多都唔夠食! 超正! 激讚 ^^

食完頭盤就到正餐, 九龍城街市買料打邊爐真係又新鮮, 又好味!

連弟弟都食唔停口

多謝美麗姨姨既熱情招待, 我地今晚真係玩得好開心 ^^ Happy New Year!

幼潛第 3 堂

今日幼潛黎到第 3 堂終於可以影相!! 因為呢度地方夠大活動空間夠多, 小慈同埋爸爸都可以入課室一齊玩 :) 唔知係弟弟瞓到 8:00 am 先起身精神夠, 定係見到小慈同埋爸爸係晒度一齊玩好開心, 弟弟今日表現好好, 只係扭左少少計, 有野食有野飲就即刻笑番!! 肯自己玩, 肯參與遊戲, 終於表現正常, 媽媽好開心啊!!

熱身時間 -- 弟弟見到張姨姨攞玩具箱出黎已經興奮大叫, 自己扭落地爬去攞玩具玩, 又唔駛我抱, 又唔駛我陪都知佢心情大好!!

俾小慈家姐咁樣整古佢都冇扭計冇投訴

上堂喇~~ 小朋友, 小朋友, 歡迎來參加

遊戲 1: 配對形狀 -- 弟弟識識地, 不過冇咩耐性玩, 成日想爬左去

呵欠連連, 開始想訓~~

遊戲 2: 學用飲管吸啜 -- Yeah!! 岩岩學識左冇難度呀! 我仲教識左弟弟將條飲管插番落個洞度, 大家睇下佢做得幾好 :)

遊戲 3 -- 障礙賽 -- 訓練大肌肉, 弟弟都行得唔錯! 話咁快就落堂, 下堂都要咁乖呀, 弟弟!

2009年12月30日星期三

嫲嫲生日快樂

今日係嫲嫲生日!! 小慈一知道嫲嫲生日已經好興奮, 計劃好晒一見到嫲嫲就要同佢講生日快樂, 又話要唱生日歌, 仲要錫嫲嫲一啖添! 超級乖孫~~ 生日切生日蛋糕, 嫲嫲好開心呢!

兩表姐弟一齊玩

一齊食

弟弟今日都有好表現, 我地開餐佢就瞓覺, 食飽晒佢先起身玩, 係人撩佢都笑, 手指指仲識電人! 嫲嫲同爺爺成晚望住佢笑瞇瞇, 錫到出晒面呀~~

祝嫲嫲身體健康, 心想事成, 日日開心!

2009年12月27日星期日

弟弟 13 個月

弟弟已經 13 個月大, 可惜仲病緊 @.@ 有痰啦, 有鼻水啦, 間唔中發高燒啦, 連續 3 晚唔肯飲最夜個支奶, 餓住個肚咁瞓天光..... 足足病左 1 個月有多, 究竟幾時先好番?

不過弟弟心情就幾好, 仲開始識性, 同小慈爭玩具搶輸左會好惡咁大叫, 拍枱, 仲會掉野, 一拍兩散咁款!!! 見佢咁既態度梗係鬧佢曳曳啦, 一聽到曳曳知人鬧佢, 仲識即刻喊添 \ _ / 不過我地既一貫作風係大喊冇人理既, 連弟弟都唔例外, 所以當佢大喊冇人理, 喊一陣佢就會自動收聲, 仲當冇事發生咁扮晒野爬番去我地度....

13 個月既佢仲係維持行 3 步既階段, 計過度過知你距離超過 3 步就一定會用爬, 真係精甩尾, 近來積極教佢既野已經漸見成果, 就係:

打關斗 - 同弟弟講打關斗佢就會識雙手按地 dup 低頭預備俾我同佢打關斗

開手合手 - 同佢唱開手合手係會跟住你郁手, 仲會拍手添

騎小馬 - 上落都好穩陣, 坐左上去自動自覺會向前向後移動

開櫃門 - 經常推開電視櫃門取 VCD 開 DVD 機玩遙控, 見到飾物櫃入面既 duckie 仲已經自己識開門, 有時仲會偷入廚房拉開就手既櫃門將所有罐頭掃出黎

掉垃圾 - 見過我地掉垃圾落垃圾桶之後就將放係地下既門塞呀, 叉電器呀通通掉晒, 見到個垃圾桶含住條電線就知佢今日又學掉垃圾 @.@

熄燈 - 抱住弟弟叫佢幫手開燈熄燈係次次都禁中

Twinkle Twinkle Little Star - 聽到呢首歌就會手仔開下合下扮 twinkle

This Little Pig - 聽到呢首歌係會將隻手放去腳趾度, 因為呢首係腳趾仔歌, 基本上弟弟開始表現出佢既音樂感, 聽到我唱歌係會 fing pat, 扭手, 郁身郁勢, 笑晒咁真係好可愛, 如果我唱到口水乾停左, 弟弟會即刻用手指住我大叫一聲, 示意我繼續唱添呀~~ 笑死 ^^

用飲管 - 弟弟 6 ,7 個月時開始唔肯飲水, 我地用左好多方法氹佢, 其中包括教佢用學習杯, 話就話係 5 個月大可以開始用, 但弟弟都唔係好識, 我地照俾佢玩玩下咁用, 到左 9 個月個月大開始教佢用飲管, 第 1 次用, 失敗, 弟弟將條飲管當牙膠咁咬, 好奇怪, 小慈當年都係 8 個月開始用飲管, 我仲記得我係用飲管俾佢啜可樂, 一飲就識, 教都唔駛教, 點知弟弟唔得, 咁過幾日又試下點知一教就教左 4 個月弟弟都係未識用 @.@

真係咩方法都試過:

用細既紙包維他奶吱出黎俾佢引佢啜啦 / 抽起支飲管俾小小佢飲啦 / 壓實支飲管要佢自己用力啜先吸到啦 / 嘟起佢個嘴教佢吸啦 / 夾實佢既上下唇教佢合埋口吸..... 全部 fail V__V 每次都係弟弟 lam 到少少就停左, 狂咬支飲管, 一係吱得太多俾佢唔識吞全部流番晒出黎! 唉~ 我都唔識點教佢勒, 唯有等.... 終於, 今日我抱住弟弟坐大脾飲綠茶, 為食弟弟見我飲佢又想飲, 好啦, 又俾佢試下啦, 依依依~~~ 佢識嘟起個嘴咕咕咕咁吞喎! 我拉番支飲管出黎又冇流到濕晒, 真係 ok 喎!!! 即刻換番個弟弟私家飲水杯俾佢試下, 真係識呀~~~ 終於都識勒~~~ 好感動!!

2009年12月26日星期六

小慈 3 歲半第 1 次溜冰

每個星期去 Mega Box 上堂必定經過溜冰場, 小慈都會問我 d 哥哥姐姐係度做緊咩? 又問我幾時可以帶佢去溜冰? 小慈講左好多次但我之所以有保留, 完全係因為媽媽我十幾廿年冇溜過冰, 咁岩有朋友同個仔溜冰整親條腰做左十幾次物理治療, 我真係有 d 驚驚! 不過逃避都唔係辦法, 又唔可以扼殺小慈既興趣, 趁今日公眾假期就去玩下啦~